幸福班戟 (已結業)

利园三期未开既时候，已经听到要开幸福班戟。友人就附近，有2次我地食完晚饭后，都想食甜品，但2次去到门口，都见已经截左人龙。星期五晚，我地2个都早收工，系铜锣湾食完晚饭，8点都未到，就突然想又再挑战一下呢间幸福班戟。我地大约夜晚8点黎到，见到门口已经有大约1x-20人等紧。好开心，今次终于都可以试下呢间咁多人排队既班戟店。由于班戟系即叫即整，所以入坐既人都唔会太快出黎。过左大约5-10分钟之后，我地后面都越来越多人，大约8点10分左右，已经截左人龙。但截左人龙之后，黎既人其实有多无少，但佢地都失望而回，好似我头2次黎咁。大约8点40分就入左去。班戟系即叫即整，落单之后都等咗大概15分钟先有得食。食过希慎同希云街同类型既班戟店。希云街个间就抵食，希慎味道比较多选择，但个人觉得呢间最好味。班戟好香蛋味，好滑好soft，入口即溶。简简单单配上蜜糖好夹，好好味。如果唔洗等我都会再想试多次。