流水蝦

营业中

休息中

好想食好多野😹除左烧肉之外，最近兴起既任食流水虾似乎都几好，上网揾到呢间地点就脚既流水虾，系观塘地铁站行去五分钟左右就会到。餐厅唔算大，但可以食既嘢都几多😂 每一个卡位隔离都有一个水缸，唔洗离开个位都可以夹到虾，好开心!！d虾劲生猛，一夹就弹走，都要比少少技巧先可以夹到佢地上黎。即夹即烧既虾当然好食啦，肉质弹牙，有d仲有膏添！加埋孜然等调味粉，好惹味！每台客仲有牛肉拼盘同海鲜拼盘，海鲜拼盘都几新鲜，有鲍鱼帆立贝鳗鱼等。牛肉拼盘质素唔错，几好食👍出面仲有其他海鲜可以夹，例如鱿鱼、青鱼、有壳生壕等等，仲有唔同口味既鸡翼、猪肉，可以任夹唔嬲