影片
更多
2022-08-21
6089 浏览
好耐无食自助餐，今日去左仕德福酒店入面既德福阁食个自助午餐，价钱唔贵又实够食饱，星期日价钱每位$258。搭lift去德福阁要按M字，一出门口就见到一张长长既餐枱。是日全场满座，好多人！生蚝首先每人包四只生蚝，生蚝都颇大只，食落肉质实在，啖啖肉，满满海水咸味，系好正既前菜。餐枱有：一) 冻海鲜刺身有4款，分别系鲭鱼，立鱼，希灵鱼，八爪鱼。试左希灵鱼同立鱼都正常。寿司有少量三文鱼，熟虾，墨鱼，甜蛋，加州卷，紫菜卷。冻海鲜有冻中虾同加拿大青口。冻中虾都好唔错，值得encore。仲有日式冷面。二）沙律沙律吧有鲜青瓜片，车厘茄，菠萝粒，粟米粒，红腰豆，红菜头同杂法国生菜。今次有红菜头，好甜。三）冷盘冷盘有中华沙律，凉拌鲜腐竹，大豆芽，枝豆伴胡麻酱汁。凉拌鲜腐竹都几好食。大豆芽好酸辣，似泡菜。枝豆伴胡麻酱汁都正常。日式杂锦小食有三款，分别系莲藕片，竹笋同螺肉。仲有杂冻肉，烟鸭胸，海南鲜鸡都算可以。 四）热盘热盘有咸菜猪肚，咖哩牛腩，冬菇虾米肉丝冬瓜环，泰式烧鸡扒，五柳鱼块，清炒时蔬，冬阴功煮青口，香蒜姜蓉海鲜炒饭，上海小笼包，炸鱼伴暑角。最好食系炸鱼（皮脆而入面的确有鱼肉，好香口），五柳鱼块（皮唔
搭lift去德福阁要按M字，一出门口就见到一张长长既餐枱。是日全场满座，好多人！
生蚝
63 浏览
2 赞好
0 留言
首先每人包四只生蚝，生蚝都颇大只，食落肉质实在，啖啖肉，满满海水咸味，系好正既前菜。
餐枱有：
一) 冻海鲜
刺身有4款，分别系鲭鱼，立鱼，希灵鱼，八爪鱼。试左希灵鱼同立鱼都正常。
寿司有少量三文鱼，熟虾，墨鱼，甜蛋，加州卷，紫菜卷。
冻中虾
42 浏览
0 赞好
0 留言
仲有日式冷面。
二）沙律
沙律吧有鲜青瓜片，车厘茄，菠萝粒，粟米粒，红腰豆，红菜头同杂法国生菜。今次有红菜头，好甜。
三）冷盘
冷盘有中华沙律，凉拌鲜腐竹，大豆芽，枝豆伴胡麻酱汁。凉拌鲜腐竹都几好食。大豆芽好酸辣，似泡菜。枝豆伴胡麻酱汁都正常。日式杂锦小食有三款，分别系莲藕片，竹笋同螺肉。仲有杂冻肉，烟鸭胸，海南鲜鸡都算可以。 
四）热盘
热盘有咸菜猪肚，咖哩牛腩，冬菇虾米肉丝冬瓜环，泰式烧鸡扒，
五柳鱼块，清炒时蔬
52 浏览
0 赞好
0 留言
五柳鱼块，清炒时蔬，冬阴功煮青口，香蒜姜蓉海鲜炒饭，
上海小笼包，炸鱼伴暑角。
最好食系炸鱼（皮脆而入面的确有鱼肉，好香口），五柳鱼块（皮唔算厚，肉质都好嫩）。上海小笼包皮稍厚，不过肉好鲜。泰式烧鸡扒个甜酱好味，大大块啖啖肉。
另外有香草烧猪柳，好瘦。
日式海鲜乌冬档有张纸仔比你自己拣钟意食既配料，包括名门卷，粟米，蟹柳，虾，帆立贝，海带。
汤有两款，一中一西。面包唔系附近，要去热盘附近攞。西汤系罗宋汤，材料都正常。
五）甜品
中式甜品系烧仙草凉粉。
西式蛋糕有黑森林蛋糕，椰丝饼，杂果啫喱，特色大菜糕，香芒布甸（虽然好似无果肉，不过味道都唔错），苹果金宝，芝士挞，红豆芝麻球（烟烟韧韧，外面满布白芝麻粒，入面既红豆馅足够，呢个正。我一个人食咗好多粒）。
朱古力喷泉配料有棉花糖，红提子，同哈蜜瓜。
水果有西瓜，哈蜜瓜，同菠萝。西瓜又厚切又甜。哈蜜瓜都唔错。
即制鲜果班戟由1点开始。配料有香蕉，提子干，杂果，柚子，杏仁片，同忌廉。识食一定系加雪糕一齐食，热辣辣同软淋淋既班戟加埋冰冻融紧既雪糕同埋杏仁片同时放入口，超正！
隔离有个雪柜，雪柜入面有大大件泡芙，有多款口味，包括草莓味，绿茶，朱古力等都有。仲有椰汁红腰豆糕（都唔错，红豆味浓），杞子桂花糕，香蕉冰卷同日式和菓子。
雪糕系CocoBerry，有菠萝椰子，咖啡，少量朱古力同后期既冲绳海盐，咸咸地都几好食，加埋d自己喺班戟站攞既香脆杏仁片，又脆又滑。另外都有雪米糍，有荔枝同后期既芒果味道。
热香饼无试到。
六）自助饮品
自助饮品有维他命水，苹果汁同咖啡机（有茶，奶同朱古力）。
食物方面唔系贵价野，选择唔多，不过都够食饱，有沙律有菜又有生果。晚餐绝对唔洗食。
张贴
