緣聚西日餐廳 (西裕街) (已結業)

今日囡囡生日，我哋选择咗食放题但系老公又想食生蚝，经朋友介绍下就去咗缘聚西日餐厅，又可以食放题又有生蚝食，所以就打去book位。铺头位于大街后面，一到门口好似一间西餐厅，完全唔似一间日式放题。入到店内装修简约特别，灯光昏暗环境都几舒服。未到七点已经差唔多满坐，好彩一早已经订左位✌️食物方便有好多种类，有些是季节限定比较特别。特别推介榴梿炸弹同埋芝麻鸡翼，炸得脆卜卜，好香口，必食👍👍👍刺身船一递过来即时哗一声，种类好多好丰富，摆盘好有心机，三文鱼，八爪鱼，螺片，带子，都好新鲜，鲜甜。生蚝一啲都唔腥，鲜甜肥美。蟹脚好多肉，好好味🤤🤤🤤鸡翼尖有少少辣辣地，好淋好入味。蒜香牛柳粒热辣辣好惹味，入口软绵绵。又一必食推介芝士虾，芝士烧得好香好浓，虾肉爽口入味😋😋😋食到舔舔脷。