十里潮香 (已結業)

同爸爸去銅鑼灣撐枱腳，一向都知道金百利呢幢大廈有好多嘢食所以走過嚟望吓，見到有呢間潮州菜嘅餐廳就上咗嚟試！因為我同爸爸都好肚餓所以大家都瘋狂叫咗好多嘢食！首先嚟咗個胡椒豬肚湯，佢有大細選擇，但我哋驚食唔晒所以叫咗碗細嘅諗住大家可以share！豬肚好彈牙，飲落個湯鹹菜同胡椒嘅味道啱啱好！係好正宗嘅整法！以前屋企都會整但因為洗豬肚真係太麻煩所以出街食就方便好多！第二個係花膠螺頭燉翅！呢個不得了，因為好足料，所以啲湯勁甜！花膠好味就梗，但因為螺頭煲到好淋所以我哋都食埋！$68 呢個價錢性價比高！跟住嚟到重點滷水拼盤，勁正！款式勁多，有鵝肉、五花腩、豬腸、豬耳、紅腸、豆腐，全部都勁入味！每樣幾件，啱晒我哋呢啲咁貪心樣樣都想試嘅人！而且味道唔差，鵝肉入味、豬耳爽口、豆腐索晒啲汁食唔停口！方魚肉碎蠔仔粥，好足料好多蠔仔，而且份量好足，可以分到勁多碗出嚟！我地2 個人好辛苦先食得哂！想食菜所以叫左個濃湯大芥菜煲，又真係幾濃味，因為佢加左好多排骨落去煲，芥菜吸哂d 肉汁，勁正！汕頭小食拼盤有五件小食，件件都好有特色，煙煙韌韌咁幾得意！我地叫左兩杯飲品黃皮蜜同香黃蜜，兩杯都好好飲好有特色，唔係很死甜，係