Parkview (新都會廣場) (已結業)

今日嚟到葵芳行街，系人都知葵广好多小食，但系因为约咗我男朋友一齐食晚餐，所以都系揾一个坐得舒服啲嘅地方坐低食嘢。经过见到呢间叫ParkView嘅餐厅，地大，又舒服，枱之间又唔算近，所以就入咗嚟食啦。餐牌方面其实佢都好弹性嘅，除咗一啲set dinner之外，你可以拣咗其他主菜，加钱一样可以配餐，有包有汤同埋有饮品，最尾仲有雪糕添。我哋拣咗一个牛油果大虾意粉，同埋一个汉堡包配薯条。我个人来讲都几钟意食牛油果嘅，所以见到有牛油果意粉就即刻点，可惜个牛油果硬左小小，可能放多一两日熟一啲会更加好，但系都无损个味道嘅，忌廉汁味嘅意粉一样好食。至于个汉堡包就好好味，我男朋友一路食都话正。其实呢度早餐性价比都几高基本上其实未食晒个主菜都已经觉得好饱啦，但系甜品系另一个胃嘅，所以最后每人有一杯雪糕，另外再加多几分。