鐵堂 (已結業)

店铺主打四款套餐，而且每款套餐都系统一$88一款，同一张单据第二个套餐仲可以有半价，所以约埋朋友一齐去真系好抵食。铁套餐，有红酒牛肋肉、炸虾、唐扬鸡、芥末八爪鱼、月见饭，先食芥末八爪鱼小食开一开胃，炸虾好酥脆一d都唔油腻，店主仲自创沙律酱混合黑松露，配炸物非常夹，牛肋肉切成小粒状，方便一口一粒食用，而且红酒味道更容易渗入牛肉，个饭用左日本生蛋黄，搅拌之后粒粒饭都金黄色，好滑溜，蛋香味浓。铜套餐，有帆立贝、炸虾、鸡皮饺子、芝麻八爪鱼、乌冬，帆立贝超大粒，而且去除晒内脏部位，将鸡皮当饺子皮包住馅料拎去炸，鸡皮脆口馅料软淋，两者有互相辉映作用。