Brooklyn (已結業)

夜晚同friend gathering，佢2月中食过Brooklyn，都几正，所以今晚再去，不过一睇menu，价钱提高咗几廿蚊，都加得几快。落单之后，我地快快趣去攻略自助沙律吧，有汤同面包任饮任食，又有各种贵价沙律菜、黑松露薯条、胡椒鸡粒任滗，淋埋d沙律汁，堆满一大碟拎番埋位慢慢叹。餐厅布置得唔错，不过暗咗d，但系几有情调，可以一边食，一边谈心。大约20分钟之后，开始上主菜，我点咗双层芝士安格斯牛肉汉堡，加炒白菌topping。个汉堡好厚，炒白菌嫩滑，芝士半融化，加埋两块顶级安格斯牛肉，卖相非常吸引。大啖咬落去，肉汁标哂出黎，食到舐舐脷。薯条洒咗甜椒粉，辣辣地，同沙律吧d薯条唔同口味。食完之后，再战沙律吧，食到饱哂又满足。