薈萃軒 (已搬遷) 新店位置

第一次帮衬呢一间私房菜，我哋一行18人被安排一间独立房间，地方好宽敞，房间内有两部电视机可以欣赏电视节目。今次我哋预定系套餐D，连埋生果一共11道菜。首先上咗个蟹肉海皇翅，翅不是很多，不要期望太高。之后再嚟过金银粉丝蒸元贝，粉丝略为硬咗啲，接着就系冬菇花参烩鲍鱼丶黄金大虾，水准即刻返晒嚟。芝士焗龙虾嘅芝士更更满泻，钟意食芝士嘅人一定开心到跳起。去到呢一碟菜，已经饱到郁唔到，再嚟姜葱炒蟹清蒸石斑一个好似大帽山咁高嘅炒饭，大家见到即刻举手叫侍应＂唔该三个饭盒＂🤣，最后再嚟个椰子燕窝和哈密瓜，大家食到舔舔脷。总括呢间私房菜环境不错，食物性价比高，美中不足是不可大声喧哗，毕竟楼上楼下是住宅，担心会俾人投诉，所以大家讲嘢都就住就住，下次会再嚟帮衬。