霸王山莊 (已結業)

平时经过楼下见到呢度啲装修几舒服同唔多人，同朋友去完电脑展，就决定去呢度食，上到去同想像中差唔多，侍应仲安排到我哋坐窗口卡位，当行完电脑展咁攰，最好就系可以坐得舒舒服服，正呀！讲番嘢食先，首先系个前菜，平时中式食肆啲前菜就真系麻麻，大部份时间都系勉勉强强下食，但我觉得呢度个前菜就几好，少少咸少少棘好开胃，话都冇咁快俾我食哂咁滞。可能大家都想试多几款嘢食，所以其中五款系包类物体，同埋一个炒饭。干贝炒饭: 居然系最快嚟𠮶样，可惜冇乜惊喜葱油千展酥: 好松化，如果入面啲葱再多啲就更加好生煎包: 有惊喜，热棘棘，个包底煎到脆卜卜又不算好黑，我觉得呢个几好小笼包: 而家好多食肆小笼包普遍做到皮薄多汁，咁呢度都唔例外，块皮薄得嚟唔易穿，不过我哋觉得唔系几够热炸馒头: 炸到外脆内软，点埋炼奶，好味红油抄手: 其他地方多数做到棘油同云吞捞埋一齐，呢度个红油抄手云吞同棘油系分开上，云吞几鲜味，棘油就可按个人喜好点几多都得，我就觉得啲棘油唔算好棘，点咗好多，朋友就话棘，点少少，咁唔食得棘ge朋友都可以试下呢个啦！最值得一赞系侍应啲服务态度几好，有求必应，希望佢哋可以保持住。