春水堂人文茶館 (創紀之城五期(apm))

营业中

休息中

講起台灣嘢，春水堂質素算比較穩定價錢又唔會太貴，合理價格同埋食完都止到癮。今次假日去到觀塘，唔想撲cafe等太耐位，所以直接apm揀咗春水堂食。lunch時段都有少少人龍，但等咗幾個字就入得啦！幾鍾意佢地嘅麵類，其中手工麻香麵線唔錯，好似食緊麻油雞咁。呢個麵好簡單粗暴，就係麻油嘅汁配幼幼又吸湯嘅麵線。今次調味比較重口呢～見得到嘅油光閃閃嘅湯汁，圍邊掛左少少碗嘅其實係蒜泥，所以整體食完個口都仲好蒜。仲有芹菜粒、西蘭花同滷蛋，都唔會太dry啊！飲品每次必點鐵觀音珍珠奶茶，鐵觀音味好有茶香，珍珠size偏細幾好咬，凍飲會更煙韌。大大杯一人都有啲難KO啊，好彩佢地可以免費轉外賣杯比你埋單時拎返走，咁就無咁浪費啦。