禮食品市場 (已結業)

礼食品市场位于九龙湾工厦，楼上卖食材，楼下做餐厅，听讲镇店之宝系鳗鱼饭，无奈我唔钟意食，于是叫咗个厨师推介嘅牛肉丼。呢度自助落单，畀完钱，可以出门口位置攞面豉汤同绿茶，又系全自助。特别要讲下个汤，海带同车轮麦麸都系任落唔嬲，非常慷慨👍。我唔小心落多咗麦麸🙈，成碗汤非常足料，饮完之后已经饱咗几成🤣。至于个丼，饭同𩠌嘅份量都算多，面头嘅牛肉色泽较一般深，可能因为用日本酱油煮得耐咗，的确好入味，但系肉质就因而嚡咗少少。底下嘅饭就冇得弹，系有饭味嘅日本米，粒粒饱满弹牙😋，好似我呢啲饭桶就非常满意。