影片
更多
2020-01-29
1345 浏览
今日大年初四，我又未正式开市返工，谂下约边个朋友食饭好，终于想起每年大年初一，都例牌请我去佢屋企食开年饭好友，佢每年整大量昂贵海味招呼我，真系请番佢食多几餐，都报答唔到佢 ! 下午问佢要唔要返工，佢话唔须要，我就谂起长沙湾醉琼楼，盐焗鸡系我觉得全港最好食，加上我朋友厨艺了得成日整鸡，我就特登约佢晚上、19:30 大家直接去呢间食，但事前戴定头盔先，讲明堂食环境一般，千祈唔好介意 ! 到 19:30 前我朋友两公婆先到达，几分钟后我由元朗，乘坐 68X 刚落车，我到达时铺内都爆满，但刚好有一张卡位客人埋单，朋友正等店员执清卡位，我就刚好准时 19:30 到达。先落单半只盐焗鸡、其他由我老友发办落单，计有鸡油炒豆苗、豉汁蒸鳝、及梅菜扣肉。期间店员先送上一大窝例汤，系鸡脚、猪肉及其他材料煲成，比平时下午套餐送嘅例汤浓郁、亦都偏咸，所以大家都只系饮咗约一碗。期间我俾咗一封利是俾阿姐，大家开心之余亦希望招呼好少少 ! 🔺 我本人系客家人，所以好中意食咸鸡或盐焗鸡，自己亦略懂厨艺，有自己用粗盐炒热，再用沙纸包裹鸡壳，用热烫粗盐覆盖鸡壳焗熟，非常有盐香味! 但香港所谓盐焗鸡，一般都系用盐水浸熟而已，
到 19:30 前我朋友两公婆先到达，几分钟后我由元朗，乘坐 68X 刚落车，我到达时铺内都爆满，但刚好有一张卡位客人埋单，朋友正等店员执清卡位，我就刚好准时 19:30 到达。
先落单半只盐焗鸡、其他由我老友发办落单，计有鸡油炒豆苗、豉汁蒸鳝、及梅菜扣肉。期间店员先送上一大窝例汤，系鸡脚、猪肉及其他材料煲成，比平时下午套餐送嘅例汤浓郁、亦都偏咸，所以大家都只系饮咗约一碗。期间我俾咗一封利是俾阿姐，大家开心之余亦希望招呼好少少 !
盐焗鸡
$120
61 浏览
0 赞好
0 留言
🔺 我本人系客家人，所以好中意食咸鸡或盐焗鸡，自己亦略懂厨艺，有自己用粗盐炒热，再用沙纸包裹鸡壳，用热烫粗盐覆盖鸡壳焗熟，非常有盐香味! 但香港所谓盐焗鸡，一般都系用盐水浸熟而已，但呢间虽然我都知系用浸熟做法，但估计之前有做风干程序，所以肉质咸香得嚟、较干身又不失幼滑 ! 可能我自己食嘢要求亦唔太挑剔，觉得暂时全香港食过叫最好食之一，所以时常都会特登前往帮衬，但一般都系叫碟头饭食多!
梅菜扣肉
$88
74 浏览
1 赞好
0 留言
🔺 梅菜扣肉我喺呢间都系第一次食，整体咸甜适中，梅菜唔韧。扣肉有惊喜，因我唔太食肥膏，但上枱见系约9成瘦、约1成肥膏，新年放纵一次食肥少少无妨 ! 我朋友将剩余所有连汁水，送咗两碗白饭!
豉汁蒸白鳝
$88
94 浏览
0 赞好
0 留言
🔺 豉汁蒸鳝，豉汁又系刚刚好好惹味，鳝系白鳝，食落好新鲜好嫩滑，蒸嘅时间亦刚刚好，真系好正! 如果唔系有梅菜扣肉汁水，相信我都会用呢碟鳝嘅汁水送饭 !
鸡油炒豆苗
$88
64 浏览
0 赞好
0 留言
🔺 鸡油豆苗，系我朋友落柯打，平时我叫只会蒜茸炒，因为我一向少食肥腻嘢，鸡油呢类胆固醇高食物，我平时系尽量避免，但农历新年一年一次大家开心，我都唔介意 ! 咁多样𩠌之中呢样稍为失色少少，因为豆苗较老，但因用鸡油炒所以补充到油滑口感，成枱都系肉食冇一碟蔬菜，终于都系觉得争咁样嘢 !
题外话/补充资料：
五年前因在附近工作开始帮衬，两年前离开呢区工作，但仍时常刻意返去食盐焗鸡，可以证明呢间盐焗鸡，系几好食!
不过呢间我食咁耐，老板、老板娘及其他阿姐，都系好似当我新客一样，平时冇咩交流 ! 一般如果成日帮衬开，点都有打个招呼卦?! 自问自己都系较主动有礼嘅人，食开好多食店大家关系都系熟落，一般都有讲有笑!
场内环境真系一般，楼下越近厨房越有阵压味，所以要有心理准备及将就下! 根上亦非雅座，睇铺面内外相信好耐冇装修，但听闻上年喺近荔枝角方向，开咗一间分店，我有朋友食过话，唔够呢间老店好食!
(以上食记乃用户个人意见 , 并不代表OpenRice之观点。)
张贴
