四眼仔腸粉

营业中

休息中

入粉岭一定要去联和墟食下嘢，入联和墟就一定要揾四眼仔食佢d小食，虽然以小弟愚见，佢d肠粉烧卖猪皮鱼蛋牛肉球估计应该都唔系自家出品(如我有错欢迎指证)，不过唔知道因为乜嘢原因，佢嘅出品就真系好食d，总之就系食咗先讲啦！首先想讲一讲嘅，就系佢嘅肠粉，够滑，唔会黐埋一旧，食落去可以分到一层一层嘅感觉；第二样要讲嘅就系佢嘅鱼蛋，佢卖嘅系细细粒嘅陈皮鱼蛋，亦都系我最喜欢嘅鱼蛋类别，有少少鱼味唔会成旧都系粉，你懂的；跟住就轮到猪皮，一个字，「爽」，仲要吸晒肠粉𠮶啲甜酱麻酱，你唔系话唔和味；接住落黎就到烧卖同牛肉球，我嘅评语系「不要浪费quota」。