華嫂冰室 (已搬遷) 新店位置

晏咗起身，之前听朋友介绍过好多次话正，试吓打的过嚟试吓，冇开就原车返出元朗啰！当新春行大运，碰吓运气！嚟到3点几，唔洗排队🤣我食招牌菠萝包，瑞士鸡亦出前一丁，茶走。。。平时最怕𠮶旧鲜油，呢度旧牛油唔太厚，啱啱好！菠萝包100分！外脆内软、暖暖地，里面啲蕃茄旦嘅旦炒得好滑！真系好好食！ 出前一丁100分！煮得够透得嚟唔会太腍！茶走够滑，茶偏浓唔会抢晒啲奶味，85分佢食咸牛肉芝士旦多士，加一份猪扒，茶走多士90分，咸牛肉好足料，芝士旦爆浆，猪扒腍又入够入味，鱼饼又香又好食！瑞士鸡亦好入味肉冇梅！食到7788，研究吓点搭车返出元朗，华嫂坐喺隔离枱吹水，听到就好好咁教我哋搭轻铁、巴士过元朗，仲教我哋，如果想知有冇开，呢度冇电话，可以打电话去观塘问吓元朗有冇开先过嚟！极好人！