影片
更多
2021-04-01
2364 浏览
本身谂住呢一间小店，系呀OpenRice上面都有不少好评，同埋佢系用呢一个炭炉去烧块牛扒，就谂住去试一试。当日我哋两个人订咗位安排咗喺门口吧枱，咁我哋就叫咗一份Prama Ham嘅头盘，同埋两块牛扒。首先，个头盘Prama Ham完全冇风干火腿应该有嘅香味，而且块火腿唔干身，亦都冇见到有好多油脂系个面上面。最离谱嘅系，配搭火腿食嘅𠮶个蜜瓜，一啲都唔甜，好似未熟晒咁。不过，要数最令我失望嘅一定系块声称系炭炉烧出嚟嘅牛扒，呢一餐食咗成千蚊真系俾得好嬲。入到去都知道其实系可以去拣块牛扒嘅，但一见到个display柜，哗，佢乱咁塞啲牛扒塞到full晒根本就拣唔到，摸上手冻到成旧冰，严重怀疑因为咁样搞到最后块扒一啲都唔好食。我哋叫咗一份medium,同一份rare. 份medium已经去到medium well, 而份rare更加熟到系Medium嘅程度。不过最离谱嘅肯定系块牛扒完全冇锁住肉汁，摆上台啲肉汁就已经出水出到离晒谱，十足十去茶餐厅叫定食，或者以前喺扒王之王食到嘅质素，好好地一份成$500嘅扒都俾佢煮到咁真系多谢晒，佢完全浪费咗个炭烧炉。当我哋同店员反映，会唔会块肉喺雪柜拎出嚟冇好好解
首先，个头盘Prama Ham完全冇风干火腿应该有嘅香味，而且块火腿唔干身，亦都冇见到有好多油脂系个面上面。最离谱嘅系，配搭火腿食嘅𠮶个蜜瓜，一啲都唔甜，好似未熟晒咁。
不过，要数最令我失望嘅一定系块声称系炭炉烧出嚟嘅牛扒，呢一餐食咗成千蚊真系俾得好嬲。
入到去都知道其实系可以去拣块牛扒嘅，但一见到个display柜，哗，佢乱咁塞啲牛扒塞到full晒根本就拣唔到，摸上手冻到成旧冰，严重怀疑因为咁样搞到最后块扒一啲都唔好食。
我哋叫咗一份medium,同一份rare. 份medium已经去到medium well, 而份rare更加熟到系Medium嘅程度。不过最离谱嘅肯定系块牛扒完全冇锁住肉汁，摆上台啲肉汁就已经出水出到离晒谱，十足十去茶餐厅叫定食，或者以前喺扒王之王食到嘅质素，好好地一份成$500嘅扒都俾佢煮到咁真系多谢晒，佢完全浪费咗个炭烧炉。
当我哋同店员反映，会唔会块肉喺雪柜拎出嚟冇好好解冻处理，导致肉汁冇办法锁住同埋啲血水系咁渗出来。佢坚称佢哋餐厅嘅处理手法冇问题，同埋佢哋系chill住旧肉而唔系frozen. 所以唔需要特别解冻处理。
我哋最后亦都有叫咗份甜品，个Jasmine味嘅Cream brûlée反而有惊喜，识落有淡淡茉莉茶嘅香味，值得一试。
张贴