十和田總本店

营业中

休息中

呢间餐厅食过几次，每次去都好多人。平日夜晚7:30去到都几乎满座，可以拣吧枱食或者普通枱。呢度系用电话落单，几方便。平成卷 ($148)有海胆，吞拿鱼蓉，三文籽，样样都系我中意嫁。寿司饭唔系用白饭，而用咗赤醋调味，所以上枱已经卖相一流。海胆同吞拿鱼蓉先慢慢溶入口，中间小青瓜又带点爽脆，成个平成卷层次丰富。👑火炙左口鱼边丼 ($138) 唔知有冇人同我一样都中意食左口鱼，左口鱼边火炙过后好滑，油脂爆晒出黎，去亲日本餐厅有左口鱼我都会嗌。呢个丼饭至少有5-6块左口鱼边，全部都充满油香，配埋赤醋饭一流。系一边既海胆亦好鲜甜，仲要份量都唔系少，呢个丼性价比高又好食！火炙鱼生饭 ($138)呢个系秋季限定，希望佢keep住有喇，因为呢个饭都好好食。每款刺身都大大件，火炙吞拿鱼又大件又肥美，仲有大虾，星鳗，带子等，样样都大大件，成个饭可以食咁多款刺身，仲要样样都鲜甜有油香，呢个饭都好推荐。