影片
更多
2016-09-02
406 浏览
有传一寿司宜家夜晚六点半后就有半价寿司，令黑寿一族唔洗再等十半，实在系一项仁政。半价寿司不设攞飞，需要喺门口排队，并且新增最低消费每人$90，同之前黑夜寿司一样，只有寿司、卷物、手卷、刺食有半价，再加正价加一，而期间限定嘅新款寿司变咗正价。对黑夜寿司嘅印象系好似放题咁，叫到食饱为止都系人均一百楼下。神奇嘅事发生咗，我哋两个人嗌咗13碟共26件寿司，食完之后好似食咗阵风咁。粗略计咗下，已经过咗低消，见隔离枱加单话要等20分钟，废事再等埋单走人。上菜算系几快，令到成餐饭更加如风，由埋单到走人用咗半个钟，颠覆咗食寿司嘅概念。芝士飞鱼子蟹棒寿司一啖咬落去，先系芝士飞鱼子，再到蟹棒，最后寿司饭，成个组合非常之夹，每次嚟到必嗌。最佳食法系先咬咗两边凸出嚟嘅蟹棒，再成旧塞落口，咁就perfect池～蟹膏甜虾寿司另一创意寿司之选，飞鱼子配甜虾口感独特，加笃蟹膏更加鲜香满溢，一啖食落肚，绝对齿颊留香。埋单两人$190，未知系加咗价定缩咗水定本人大食咗，不过黑寿放题嘅神话都要幻灭lu
半价寿司不设攞飞，需要喺门口排队，并且新增最低消费每人$90，同之前黑夜寿司一样，只有寿司、卷物、手卷、刺食有半价，再加正价加一，而期间限定嘅新款寿司变咗正价。
对黑夜寿司嘅印象系好似放题咁，叫到食饱为止都系人均一百楼下。神奇嘅事发生咗，我哋两个人嗌咗13碟共26件寿司，食完之后好似食咗阵风咁。粗略计咗下，已经过咗低消，见隔离枱加单话要等20分钟，废事再等埋单走人。
上菜算系几快，令到成餐饭更加如风，由埋单到走人用咗半个钟，颠覆咗食寿司嘅概念。
芝士飞鱼子蟹棒寿司
一啖咬落去，先系芝士飞鱼子，再到蟹棒，最后寿司饭，成个组合非常之夹，每次嚟到必嗌。最佳食法系先咬咗两边凸出嚟嘅蟹棒，再成旧塞落口，咁就perfect池～
蟹膏甜虾寿司另一创意寿司之选，飞鱼子配甜虾口感独特，加笃蟹膏更加鲜香满溢，一啖食落肚，绝对齿颊留香。
埋单两人$190，未知系加咗价定缩咗水定本人大食咗，不过黑寿放题嘅神话都要幻灭lu
张贴
