蠔酒吧

营业中

休息中

今年生日，朋友请我去蚝酒吧食生日饭，餐厅环境一流，对住维港夜景。我地张枱喺窗边，可以睇埋幻彩咏香江。侍应起初服务周到，送上免费香槟，又介绍餐牌。到点菜时，等左好耐都揾唔到侍应落单。落完单，等左25分钟先上个seafood platter。Seafood platter我地叫Queen size, 有半只龙虾、8只生蚝、虾、海胆、三文鱼子同蚬。生蚝有美国蚝同法国蚝，侍应都有介绍，我地叫佢俾d蚝嘅名我地，佢就俾左张好长嘅单，所有蚝嘅名一清二楚。食完seafood platter，要叫侍应收盘先有人黎收。等左阵先上熟食。我地叫左鸭肉拼盘、羊架同带子意粉。鸭肉份量偏少，但煎鸭肝几好食。羊架够大件，切三份，每份都唔细，仲可以拣三款酱料，羊肉七成熟，肉质嫩滑。带子意粉有三粒大带子，够弹牙，意粉都好食。到我地想叫甜品，等左好耐先有侍应出现帮我地落单。个梳乎厘要等廿五分钟先有得食，系几好食，但唔系太大个。影生日相时，侍应帮我地影左好多相。但整体服务应要改善，侍应唔够主动帮我地斟酒，又无主动帮我地落单，每次都要等几分钟先揾到侍应落单。