影片
更多
2014-09-05
5261 浏览
地方装修简洁，座位及台面较为狭窄，但我不太介意因为，以此价钱计好难两全其美(又坐得宽敞靓装修，又要好食，相信要去酒店俾成$4xx至$5xx)所以我著眼点放响其他地方既，但...坐底先写左几张单交俾侍应，跟住怀住期待既心情一边等待食物一边再点其他食物，很快侍应便拿来饮品俾我地，我果时心想这店既效率都几高㖞，殊不知..错晒，凡事不能太早下定论，大约过左10分钟第一样食品先到系一盘刺身，我再心想刺身有需要整咁耐咩? 但都唔紧要，应该是太多单，所以出得慢D都正常，当时我说服自己...同埋值得一赞既系个盘好靓，大台点得多刺身仲用架刺身船出tim，再加埋干冰做埋视觉效果，证明真系有花D心思去谂，呢样要俾like，刺身亦都新鲜，不错。但跟住令人匪夷所思既事情开始发生，刺身上完之后果半个钟一样野都无黎过，眼望住隔离左右台台都有野食我地无得食，心情即时跌落谷底，需知食野都好讲心情，心情好食咩都好食D，心情唔好食龙肉都无味啦我又唔想再写过另一张单，怕佢响我落完之后又黎返之前果张单咁咪食两份，咪问侍应我点左果几张单系咪漏左单? 佢话帮我睇睇，我又等左阵，佢行黎行去几转都无返黎话我知究竟我张单系漏左定未出..
坐底先写左几张单交俾侍应，跟住怀住期待既心情一边等待食物一边再点其他食物，很快侍应便拿来饮品俾我地，我果时心想这店既效率都几高㖞，殊不知..错晒，凡事不能太早下定论，大约过左10分钟第一样食品先到系一盘刺身，我再心想刺身有需要整咁耐咩? 但都唔紧要，应该是太多单，所以出得慢D都正常，当时我说服自己...同埋值得一赞既系个盘好靓，大台点得多刺身仲用架刺身船出tim，再加埋干冰做埋视觉效果，证明真系有花D心思去谂，呢样要俾like，刺身亦都新鲜，不错。
但跟住令人匪夷所思既事情开始发生，刺身上完之后果半个钟一样野都无黎过，眼望住隔离左右台台都有野食我地无得食，心情即时跌落谷底，需知食野都好讲心情，心情好食咩都好食D，心情唔好食龙肉都无味啦我又唔想再写过另一张单，怕佢响我落完之后又黎返之前果张单咁咪食两份，咪问侍应我点左果几张单系咪漏左单? 佢话帮我睇睇，我又等左阵，佢行黎行去几转都无返黎话我知究竟我张单系漏左定未出...咁我落多次单好定唔落???
其实又唔系几千呎地方，D单直达厨房，点会漏单? 几张单消失左?我后来先明白点解...
出得慢都尚可以理解话太多单，但系直头消失左就真系匪夷所思，其实如果真系好有系统咁交D单入去先落单既就做先，次序就唔会乱成一团，我见到隔离左右都有错单既情况，始终食放题点咁多张单个客有时自己都唔系好记得exactly自己叫左D咩，有时黎错左都照收咁原本叫果碟野张台就会变左漏单，所以除左入单，出货果下原来都好紧要。
我都系因为有碟野黎错我度我先恍然大悟，我见黎碟串烧我又真系有点串烧只系D数量唔系咁啱，我以为厨房搞错左我个数量啫咪照食啰，点知之后又黎多碟我先明之前果碟唔系我果台既...我仲听到隔离台果个人仲都话烧菠萝重复黎左3次...其实侍应放底果时留意下个客反应都知送错左啦放底头也不回...
后来剩余时间唔多，惟有匆匆食埋黎左既野，食物其实整体黎讲唔算差
1. 牛舌唔错, 够"林"惹味
2. 可惜串烧大部份唔够热
3. 寿司大致几好，但和牛太油唔够牛味
4. 天妇罗油淋淋，明显技术不足，用炸炉果个人可能以前响街边小食档炸鸡脾同三宝，简单侮辱天妇罗呢3只字...
5. 乌冬唔错，弹牙的，猪软骨like够晒软同入味
由于之前漏单既关系，所有野迫晒响后来果45分钟食，食野其实系一种享受，仲要我俾成$200，食得咁急我不如去食麦记?
我连想encore既时间都无，好无奈...
最后点多个生果盘，呢个都抵赞，始终好少地方有生果盘叫，仲要有冰铺底，挽回些少分数
甜品选择略为少左D同行货左D，相信叫人交货黎交D小蛋糕、布甸、糖水等应该成本唔会太高，始终甜品都系一餐既完美终结，甜品做得好都可以加好多分。
总结：食物有部份几好亦有部份唔好，以这价钱来讲都算可以，但漏单及送错单情况严重，如果再唔改善，必然成为赶客头号杀手，以我自己来说我都会俾多一次机会，下次黎多次，如果情况依然必定blacklist同埋讲俾身边朋友听。
张贴