越軒牛肉粉專門店 (已結業)

此店一共食了两次，第一次食左鲜茄海鲜汤檬，番茄汤太酸，海鲜祇有蚬肉同埋青口一只，但有雪藏味及霉，第二次食扎肉鸡丝汤檬，味道ok，可惜两次饮奶茶都劲难饮，又苦又涩，颜色仲近乎深啡黑色，食物以外那伙计态度更是问题，事缘当我食完碗准备埋单走，我取出8蚊散纸放枱面，再准备取出廿蚊纸时，电话响起，因店内有电视声，所以企喺长期打开门口讲电话，那店员企系我身后讲咗两三次争廿蚊，我只讲了十几秒电话，收线后立刻问佢，你见唔到我个背囊放喺凳度咩，你见唔到我企喺门口讲电话咩，你见唔到我放8蚊喺枱面咩，净系个背囊都值几百蚊，仲未计里面D嘢，我会唔会为咗廿蚊走数而唔要个背囊，我要走数仲乜放八蚊喺度，走廿蚊又是走，走廿八蚊又是走，点解唔走廿八蚊，点解我走数仲要企喺门口，佢仲答，""我点知呀""，难怪我坐咗近一个钟都冇人入嚟食。