影片
更多
2019-11-30
1699 浏览
本来见到Openrice, 咁多好评，趁住星期同屋企人黎食午市半自助餐，点知大失所望。点菜时，问啲侍应系咪有点心食，有咩点心，个侍应话唔清楚要问问先。但见佢地新开张，唔太熟都正常既，但有点心叫又无点心菜单，成件事真系好奇怪。我地一开始叫了两个星州炒米，一个XO酱干炒牛河。等紧既时候，当然即刻去出面睇下有咩自助野食，打开大盘全部都系吉。但有：两种汤、蒜蓉包、茶叶蛋、啫喱、朱古力奶冻、饼、沙律果啲，78蚊，我地都无话要求太多，但啲汤真系好咸好重味精、啫喱又太酸，重点系个主菜好难食！讲到主菜星州炒米，卖相几靓，但一食落口，干到有啲粉，又辣又咸，仲要辣到灼喉咙果种，食第一啖就涨红晒块面，完全食唔到落去。自问平时都食到辣野，但呢碟野系辣到食唔到，于是同啲侍应讲，侍应一句得埋黎：「吓，BB辣黎。咁都黎咗，你想点？」然后我地叫经理黎，经理黑晒面话：「星州炒米系辣架啦，用咖喱粉整架嘛！ 」我地：「真系食唔到㖞辣到，定系你都试下。」经理：「可以换，咁你想食咩？」我地见个干炒牛河系正常味就话换河啦，点知经理一句得埋黎： 个河辣既，我怕你又话食唔到。」我心谂，咩态度黎，明明就系个炒米太辣先要换，无估啲食客得
点菜时，问啲侍应系咪有点心食，有咩点心，个侍应话唔清楚要问问先。但见佢地新开张，唔太熟都正常既，但有点心叫又无点心菜单，成件事真系好奇怪。
我地一开始叫了两个星州炒米，一个XO酱干炒牛河。等紧既时候，当然即刻去出面睇下有咩自助野食，打开大盘全部都系吉。但有：两种汤、蒜蓉包、茶叶蛋、啫喱、朱古力奶冻、饼、沙律果啲，78蚊，我地都无话要求太多，但啲汤真系好咸好重味精、啫喱又太酸，重点系个主菜好难食！
讲到主菜星州炒米，卖相几靓，但一食落口，干到有啲粉，又辣又咸，仲要辣到灼喉咙果种，食第一啖就涨红晒块面，完全食唔到落去。自问平时都食到辣野，但呢碟野系辣到食唔到，于是同啲侍应讲，侍应一句得埋黎：「吓，BB辣黎。咁都黎咗，你想点？」
然后我地叫经理黎，经理黑晒面话：「星州炒米系辣架啦，用咖喱粉整架嘛！ 」
我地：「真系食唔到㖞辣到，定系你都试下。」
经理：「可以换，咁你想食咩？」
我地见个干炒牛河系正常味就话换河啦，点知经理一句得埋黎： 个河辣既，我怕你又话食唔到。」
我心谂，咩态度黎，明明就系个炒米太辣先要换，无估啲食客得闲无事做好中意等你再换过一碟咩？ 态度差到不行，以后都唔会再食呢间野。
本身以为酒店水准会高啲，点知，仲差过茶餐厅，仲要受气
张贴