山見台式火鍋 (屯門市廣場1期)

营业中

休息中

又到左每个月拣一间新餐厅去试食嘅日子，今次就去山见台式火锅，喺香港佢一共有三间分店，今次就去咗屯门𠮶间，佢可以透过OpenRice book位所以都几唔错。因为我其实系唔食牛嘅🤣，所以我哋拣咗极品吃到饱($258/1位)呢个套餐，有少少牛比男朋友拣之余，我又有其他嘢可以食。男朋友就拣咗豚骨汤底，我就加$18拣咗蕃茄汤。不过我觉得佢最出色嘅系佢有好多前菜、炸物、仲有好多甜品，就算我打边炉唔系太钟意嘅话，都可以食到好多台式料理，感觉抵番。我哋个餐唔系包括全部嘅台式料理，不过其中我觉得蚵仔煎同埋盐酥鸡都几唔错，而且佢有啲饮品都几好饮，我就拎咗白桃乌龙，清清地，如果大家有兴趣都可以加$12叫佢嘅台式饮品，想饮热嘢嘅，你仲可以有红枣茶、姜茶等等嘅选择，仲有部机可以斟咖啡同埋奶茶添。今次我就冇影相啦，净系挂住食，成个感觉都几唔错，而且地方好干净。