自家人酒家

营业中

休息中

下午饮茶，我地开左两围坐，因为会直落打麻雀同食晚饭，所以两点几去到𠮶时，酒楼可以直接开厅房俾我地坐。咁好啦饮茶叫点心，有个望落似系驼背既点心呀婶送餐，朋友斟茶，佢大声喝：「嗱缩手呀！渌死冇命赔呀！」我地当堂成头问号。我地全部大人大姐，明事理，你好声好气提一声，我实就嫁㖞，但点解要咁既语气？佢摆低碟煎堆，我地叫佢剪一剪，同样一句得埋嚟：「冇较剪！要就自己行去大排档拎！」明哂。我地几个女人仔讲佢态度差就句句顶住哂，系到几个男人拍枱先肯收声，欺善怕恶，态度又差，大家如果想感受咁既服务态度就去食下啦。