盛八食堂 (已結業)

未到餐厅先见等待嘅人，我都即刻攞飞先。原来以为要等好耐，点知等左10分钟就有位嘞。舖内以彩色缤纷嘅涂鸦装饰，柔和灯光衬，气氛轻松。仲有小量卡位同梳化位，适合几个人用餐。点左一个蛋白牛肉蛋包饭，蛋白嫩滑，牛肉份量颇多，汁底浓郁香口，配以茄汁饭嘅酸甜清新，互相补足我地仲点左三文鱼水煮蛋多士。对于我呢个芝士迷嚟讲，呢味菜真系正，就算等15分钟都值得。水煮蛋蛋黄汁充沛，面头仲有一层溶溶地嘅芝士，下层脆脆多士，多重口感，大满足。仲有两件薯饼，一杯焗豆同沙律，份量十足。食完之后，原本想坐多阵，不过见外面有人等，都唔好意思坐，盛惠$217。