影片
更多
2013-06-10
530 浏览
同事见到Openrice有coupon，又话食过呢度既自助午餐都几好食，所以就约埋呢日收工后一齐食自助下午茶。虽然收工前食咗小小生果打底，不过我两点几已经开始肚饿，所以一去到就好心急攞野食。但Round 1 都系沙律、冷盘同寿司为主。寿司唔算好鲜味，但都算新鲜，合格。青苹果沙律有小小酸，但都食得落，当系开胃菜啦！寿司唔会雪都好冻好实，ok！第二Round去熟食区行咗个圈，但唔系好多野啱我食。小妹喜欢食鸡软骨，所以觉得好食。猪肋骨既汁ok好味，但唔入味，所以食一件够咧！坐咗一阵，侍应送上每人一碗既燕窝杨枝甘露。都几大碗，我明知自己会食唔晒，所以无倒啲燕窝落去，留返系汤匙，加杨枝甘露唻食。呢个时候有小小饱饱哋，去咗倒杯热柠茶饮吓。路经甜品区，顺手攞咗杯燕窝双皮奶。虽然燕窝系淡而无味，但个双皮奶好好味呀！小休一会再战Round 3。食埋之后真系好饱，要收手啦，去食甜品啦！我哋一直都见唔到网页上面既燕窝鸡粥，回程时经过熟食区见到有人攞住碗粥，先发现原来有个粥档系串烧档旁边。但我哋已经饱咗七成，所以只系攞一碗大家分唻食，基于啲燕窝已经溶入咗啲粥度，所以都唔系好觉得食到啲燕窝，而啲鸡肉又唔系咁好味
虽然收工前食咗小小生果打底，不过我两点几已经开始肚饿，所以一去到就好心急攞野食。但Round 1 都系沙律、冷盘同寿司为主。
寿司唔算好鲜味，但都算新鲜，合格。
青苹果沙律有小小酸，但都食得落，当系开胃菜啦！
寿司唔会雪都好冻好实，ok！
第二Round去熟食区行咗个圈，但唔系好多野啱我食。小妹喜欢食鸡软骨，所以觉得好食。猪肋骨既汁ok好味，但唔入味，所以食一件够咧！
坐咗一阵，侍应送上每人一碗既燕窝杨枝甘露。都几大碗，我明知自己会食唔晒，所以无倒啲燕窝落去，留返系汤匙，加杨枝甘露唻食。
呢个时候有小小饱饱哋，去咗倒杯热柠茶饮吓。路经甜品区，顺手攞咗杯燕窝双皮奶。虽然燕窝系淡而无味，但个双皮奶好好味呀！
小休一会再战Round 3。
食埋之后真系好饱，要收手啦，去食甜品啦！我哋一直都见唔到网页上面既燕窝鸡粥，回程时经过熟食区见到有人攞住碗粥，先发现原来有个粥档系串烧档旁边。但我哋已经饱咗七成，所以只系攞一碗大家分唻食，基于啲燕窝已经溶入咗啲粥度，所以都唔系好觉得食到啲燕窝，而啲鸡肉又唔系咁好味，所以呢碗粥唔食都无损失。
攞粥既时候见到啲鸡翼刚刚烧好，所以攞咗串唻试吓。同猪肋骨一样，调味料既味道ok，但因为无腌过，所以唔入味。
甜品方面我试咗小小，但个tiramisu有酒浸过啲手指饼，我只系食咗小小就有啲上脑，晕晕哋，要坐一阵先舒服返啲，但已经差不多够钟，我又见自己唔系咁舒服，唔敢食雪糕。虽然系食到好饱好饱，但走既时候若有所失。
食物味道大约在普通至中上，但以下午茶唻讲呢度真系好多款食品，而且会不停补给，打咗八折后二百蚊有找真系几抵食。
张贴
