蒲公英和牛專門店

营业中

休息中

Openrice食评唔算好标青，但睇到有条Youtube片，见到唔少人买呢度嘅生饺，令饺子控嘅我心动🙊，既然去开观塘，就顺便买盒饺😏。呢度嘅饺子皮可以拣厚皮或薄皮，我自己不嬲都中意食皮薄满馅嘅饺子，留意到呢度嘅薄皮写住可煎可烚，令我减少选择嘅烦恼，直接买双拼薄饺!!白菜拼韭菜薄饺 $58/15只唔系即叫即包，系冰柜拎出嚟，早知我就带个保冻袋嚟😐，系大热天时拎左三个钟先番屋企。自己平时食开饺子屋，所以觉得呢度嘅饺子比较细，系饺子屋嘅三分一。第一眼望去，有湾仔码头FEEL😅，但个皮薄D。烚饺睇得出饺皮好薄，入口几滑，不过馅料唔饱满，菜肉比例接近1:1，油腻感较高。白菜饺洋葱味较出，似洋葱饺多。整煎饺果阵明显出油较多。至于系咪黑豚肉，我真系食唔出🤔，两款饺味道正常，无记忆点，加上近年饺子店选择太多，应该唔会再买🙉。