影片
更多
2023-09-10
118 浏览
一直都想嚟中环呢间「Tempura Jiro」试吓，终于book咗放假嚟食lunch。佢哋午餐有两个选择，lunch course (light) 有5款炸物（如果我冇记错嘅话😅），另外一款系lunch omakase course 有8款炸物，简单啲讲就系一款少啲嘢食另一款多啲嘢食😂，我第一次嚟食，梗系拣多啲嘢食喇！放喺前面嘅会有几款盐选择：黑松露盐、绿茶盐、海藻盐、梅子盐同埋青柠，另外仲有一碗萝卜蓉同埋天妇罗酱汁。酱油渍吞拿鱼 - 第一道菜就系酱油渍吞拿鱼，吞拿鱼上面放多少少Wasabi。花竹虾 - 炸虾嘅部份，佢会先上虾头再上虾身，虾头炸得非常松脆、干身、薄薄既面衣、虾味又浓，我觉得非常出色👍🏻。相反虾身就一般，唔够虾头出色。北海道粟米 - 粟米本身好甜，而且面衣都好薄，但系就多咗份油腻。菇 - 呢个虽然系蔬菜类，但系一啲都唔觉得油腻，呢个属于好食👍🏻。沙椎鱼 - 鱼骨同肉系会分开炸，鱼骨炸得非常松脆，肉身炸得刚刚好，令到鱼肉唔会太干，呢个都好食😋。洋葱 - 原本唔系炸洋葱，因为我唔食苦瓜，所以就改咗洋葱，呢一道菜其实真系唔使讲，炸洋葱点可能唔好食😂。茶碗蒸 - 我呢个应该系一个
酱油渍吞拿鱼 - 第一道菜就系酱油渍吞拿鱼，吞拿鱼上面放多少少Wasabi。
花竹虾 - 炸虾嘅部份，佢会先上虾头再上虾身，虾头炸得非常松脆、干身、薄薄既面衣、虾味又浓，我觉得非常出色👍🏻。相反虾身就一般，唔够虾头出色。
北海道粟米 - 粟米本身好甜，而且面衣都好薄，但系就多咗份油腻。
菇 - 呢个虽然系蔬菜类，但系一啲都唔觉得油腻，呢个属于好食👍🏻。
沙椎鱼 - 鱼骨同肉系会分开炸，鱼骨炸得非常松脆，肉身炸得刚刚好，令到鱼肉唔会太干，呢个都好食😋。
洋葱 - 原本唔系炸洋葱，因为我唔食苦瓜，所以就改咗洋葱，呢一道菜其实真系唔使讲，炸洋葱点可能唔好食😂。
茶碗蒸 - 我呢个应该系一个海苔嘅茶碗蒸，我自己就唔系好钟意。
酱油渍三文鱼子海苔天妇罗 - 我谂个名应该系咁样😅，海苔天妇罗炸得非常松脆，一啲都唔油，上面再放上酱油渍三文鱼子，一啖咬落去成口都系鲜味🥰。
海鳗 - 分开三部份，前身、尾同埋骨，前身比较肥，尾就要少少Q，至于骨就好脆，不过可能之前食咗𠮶个鱼嘅关系，食呢个好似冇乜惊喜。
番薯 - 唔记得咗日本咩番薯😂其实所有食材都系来自日本。呢个又系冇乜特别。
带子虾饼天妇罗饭 - 呢个饭有两食法选择，一款系茶渍饭，另外一款就系我呢个配另外一个酱汁同埋面豉汤。呢个带子虾饼炸得好出色就唔使讲，面衣一样系咁薄，而且佢里面仲有啲herbs，增加香味，而且一啲都唔油腻，天妇罗同饭中间放咗啲紫菜，加埋酱汁食，好野味！一碗真系唔够喉😂。我原本好想食呢一间餐厅嘅原因系因为我想食佢哋𠮶个黑松露流心蛋饭，点知今日唔系整呢个饭，有少少唔开心，不过经理俾咗张卡片我，话下次再嚟嘅时候早啲通知佢，佢会帮我准备😘。
芝士雪糕 - 就系雪糕冇乜特别。
整体上系好食嘅，虽然我已经食一个full set，亦有可能我大食，觉得好似份量唔系好够，因为如果你去食寿司嘅我omakase，因为寿司每一嚿都系饭，而天妇罗每一件都系𩠌，所以比起上嚟冇咁饱，佢虽然最后会有一碗饭，但系碗饭偏细，其实如果个口细啲就会有四啖左右😅，我觉得佢比较适合一啲细食嘅女性，男仔真系⋯⋯
张贴
