札幌拉麵 Miso No.1 (已結業)

大约七点到, 唔驶等位!叫左个$85 set, 可以自选拉面同埋小食, 叫左什锦拉面同埋虾饺子。 可能我食野比较清淡, 觉得呢度既汤比较咸, 所以都冇咩饮d汤。拉面好烟靭, 配菜都几丰富, 有叉烧、蟹柳、猪软骨、粟米粒、昆布、芽菜, 不过旧叉烧真系要扣分, 食落好"鞋"!虾饺子卖相好吸引, 整得好精致, 卖相满分!但系食落就觉得有D林, 入面冇乜肉, 只系得菜, 亦无咩鲜虾味, 少少失望!每食满$100有$10 coupon送返, 不过应该唔会再黎食, 因为D汤对我黎讲太咸!