我愛慢煮 (孖沙街) (已結業)

星期六突然想食扒所以search吓发现呢间餐厅，一点去到好似无客人，坐低就睇餐牌，叫左个flat iron 牛排同油封鸭髀，配卡真虾仁 同埋 黑松露慢煮温泉蛋。牛排首先来到，食落小韧有油香，配嘅虾仁非常细粒食落好普通。鸭腿感觉唔似煎过，个皮冇脆感，似普通煮既鸡髀咁嘅质感（请恕我唔识野）。后来我睇返其他人upload嘅相见到个个都系两只髀，而我得一只…虽然大只少少真系有一半系骨啰…灰咗…个温泉蛋几多黑松露，不过都系一阵风咁。食完两个人都话仲好肚饿，执野走去第二度食算，冇下次。