影片
更多
2021-10-24
161 浏览
每个礼拜日都会去mikiki揾食，今日啲friend话要去呢间锯扒。要自己揾位，有啲人一个人霸4个位，食完又唔走，等咗都有十分钟先有位坐。呢间啲牛扒系计gram嘅。我同老公叫咗一个300 gram嘅牛板腱(大概120元)，加28元可以任拣三个配菜，拣咗可乐、雪糕同埋沙律。另外嗌咗个牛扒樱花丼。牛板腱都几厚身，铁板上可以自己控制生熟程度。建议早啲切，因为块板好快就唔热。牛扒肉汁够、好浓味，亦都唔算好韧。可乐得200ml 唔够饮，沙律酱汁好足够，但沙律份量唔算多。牛扒樱花丼，肉质够嫩滑，味道唔算好浓沃。不过食唔到上面𠮶啲所谓樱花嘅味，淡淡的， 只系增添卖相，冇乜实质作用。呢个饭好细，食唔饱。雪糕个品牌叫大阪牛乳，其实系香港制嘅，成份最多系水同糖，奶嘅份量唔多，不过都够绿茶味。整体嚟讲味道算ok，不过食唔饱，又有啲贵。
要自己揾位，有啲人一个人霸4个位，食完又唔走，等咗都有十分钟先有位坐。
呢间啲牛扒系计gram嘅。我同老公叫咗一个300 gram嘅牛板腱(大概120元)，加28元可以任拣三个配菜，拣咗可乐、雪糕同埋沙律。另外嗌咗个牛扒樱花丼。
牛板腱都几厚身，铁板上可以自己控制生熟程度。建议早啲切，因为块板好快就唔热。牛扒肉汁够、好浓味，亦都唔算好韧。
可乐得200ml 唔够饮，沙律酱汁好足够，但沙律份量唔算多。
牛扒樱花丼，肉质够嫩滑，味道唔算好浓沃。不过食唔到上面𠮶啲所谓樱花嘅味，淡淡的， 只系增添卖相，冇乜实质作用。呢个饭好细，食唔饱。
雪糕个品牌叫大阪牛乳，其实系香港制嘅，成份最多系水同糖，奶嘅份量唔多，不过都够绿茶味。
整体嚟讲味道算ok，不过食唔饱，又有啲贵。
张贴
