波士頓餐廳

营业中

休息中

已经好耐冇到访过波士顿餐厅，今次我哋决定去怀缅吓儿时嘅回忆，睇吓味道系咪同以前一样。首先，餐包有温度，餐汤都几好饮，足料。主菜方面，我拣咗精选肉眼扒配黑椒汁，五成熟。而另一半就拣咗火焰牛柳配蒜蓉汁，都系唔成熟。一开始食嘅时候，个侍应会俾你见识下名副其实嘅火焰牛柳，而食肉眼扒应该嘅时候，侍应亦都会好细心提醒你要用纸巾挡住面前好热嘅铁板。正所谓一热遮三丑，一开始食嘅时候觉得味道还好，当食到差不多一半嘅时候，就感觉到餐厅用咗梳打粉去腌腍啲肉。餐饮方面，我哋都系饮冻奶茶，偏甜多奶。总括而言，今次纯粹系想怀缅吓以前食西餐嘅感觉同埋味道。味道冇变，值得一赞嘅系侍应嘅服务态度，有礼貌。