影片
更多
2022-03-04
758 浏览
好多年前黎过一次，当时排晒长龙，等好耐先有得食。知道佢就黎结业所以黎食多次，点知已经揾唔返当年嘅味道。首先睇睇个点餐纸，发现食物款式已经少过以前好多，曾经喺度食过嘅大肠包小肠已经无咗，葱油饼、蛋饼等都划咗无得食，真心有少少失望。无奈之下叫咗$28肉躁饭，价钱好平，所以好细碗，肉躁偏瘦，下面有椰菜垫底，味道正常发挥，普通得不能再普通。不过咁嘅价钱所以都唔应该有咩要求。同样系$28嘅红豆芋圆(热)，CP值就高好多！地瓜圆同芋圆烟烟韧韧，都有成十几粒，个红豆汤里面居然有好多红豆！略甜咗啲，但整体上不错，有惊喜！呢度系半自助形式，门口攞点餐纸同红色木颜色笔，划完之后出去俾钱，有讲国语嘅姐姐送餐。餐具自己出去攞。程班长可以话系钟意食台湾嘢嘅香港人嘅集体回忆，虽然今时今日好食过佢嘅台湾菜大把，但咁平嘅可能比较少见。我决定第日无咗程班长，就去食九分饱啦~
首先睇睇个点餐纸，发现食物款式已经少过以前好多，曾经喺度食过嘅大肠包小肠已经无咗，葱油饼、蛋饼等都划咗无得食，真心有少少失望。
无奈之下叫咗$28肉躁饭，价钱好平，所以好细碗，肉躁偏瘦，下面有椰菜垫底，味道正常发挥，普通得不能再普通。不过咁嘅价钱所以都唔应该有咩要求。
同样系$28嘅红豆芋圆(热)，CP值就高好多！地瓜圆同芋圆烟烟韧韧，都有成十几粒，个红豆汤里面居然有好多红豆！略甜咗啲，但整体上不错，有惊喜！
呢度系半自助形式，门口攞点餐纸同红色木颜色笔，划完之后出去俾钱，有讲国语嘅姐姐送餐。餐具自己出去攞。
程班长可以话系钟意食台湾嘢嘅香港人嘅集体回忆，虽然今时今日好食过佢嘅台湾菜大把，但咁平嘅可能比较少见。
我决定第日无咗程班长，就去食九分饱啦~
张贴
