影片
更多
2022-12-31
259 浏览
以前去日本旅行必定会安排一餐コメダ早餐，所以知道コメダ嚟香港开一直都好想揾机会去，但始终怕太多人又排长龙，今次难得就到闲日放假，中午时间去到都几乎唔驶排队，终于去到久违嘅コメダ！！餐厅嘅装修完美还原左日本嘅设计，行入餐厅有一种置身日本嘅感动🥹 首先当然叫杯招牌Komeda咖啡，日本咖啡就系有种神奇嘅魔力，饮落香口而唔会苦，最后亦完全唔驶落奶。香港嘅コメダ仲贴心咁附送左一小包nuts衬咖啡～公司三文治 ($68)另一样コメダ必食嘅就系蛋沙律，所以我叫左公司三文治（多士），佢地嘅秘制沙律酱整出嚟嘅蛋沙律系我心目中最好味嘅蛋沙律，走嘅时候忍唔住买左佢支沙律酱返屋企炸虾饼方堡 ($78)见好多人都有叫炸虾饼方堡所以我地又叫左一份，食落估唔到真系有意外惊喜！松软嘅面包夹住爽脆嘅沙律菜，沙律酱汁亦不减炸虾嘅松脆，虾饼弹牙而且混入虾粒令到口感更加丰富肉酱意粉 ($78)最后再叫左一个热食，果然日式嘅肉酱意粉系唔会令人失望，意粉算系偏阔条，煮得唔会太冧带轻微烟韧嘅口感，再索晒酸甜嘅肉酱汁，看似简单嘅一个肉酱意粉都煮得出色！本来只系谂住嚟寻回日本嘅回忆，估唔到食物都相当有水准，最后仲买埋咖啡包及沙律酱做
餐厅嘅装修完美还原左日本嘅设计，行入餐厅有一种置身日本嘅感动🥹 首先当然叫杯招牌Komeda咖啡，日本咖啡就系有种神奇嘅魔力，饮落香口而唔会苦，最后亦完全唔驶落奶。香港嘅コメダ仲贴心咁附送左一小包nuts衬咖啡～
公司三文治 ($68)
另一样コメダ必食嘅就系蛋沙律，所以我叫左公司三文治（多士），佢地嘅秘制沙律酱整出嚟嘅蛋沙律系我心目中最好味嘅蛋沙律，走嘅时候忍唔住买左佢支沙律酱返屋企
炸虾饼方堡 ($78)
见好多人都有叫炸虾饼方堡所以我地又叫左一份，食落估唔到真系有意外惊喜！松软嘅面包夹住爽脆嘅沙律菜，沙律酱汁亦不减炸虾嘅松脆，虾饼弹牙而且混入虾粒令到口感更加丰富
肉酱意粉 ($78)
最后再叫左一个热食，果然日式嘅肉酱意粉系唔会令人失望，意粉算系偏阔条，煮得唔会太冧带轻微烟韧嘅口感，再索晒酸甜嘅肉酱汁，看似简单嘅一个肉酱意粉都煮得出色！
本来只系谂住嚟寻回日本嘅回忆，估唔到食物都相当有水准，最后仲买埋咖啡包及沙律酱做手信返屋企！
张贴
