影片
更多
2024-07-07
1342 浏览
老实讲！唔系弹佢但系畀嘅评语只可以麻麻地，如果我有喺呢间餐厅嘅回忆，可能会加少少分，可惜我冇！喺网上见到有梁祖尧加持，老店嘅格局同网上介绍都讲到好好食，所以就即管去试下。因为个门口系旧式牛扒屋嘅样，未入去之前系有啲期望嘅，入到去叫嘢食嘅时候。现佢只系得枱上面简单嘅餐牌𠮶几样选择，如果唔系因为网上话佢系黄店，我谂我已经走咗，又或者根本唔会入去，但系就睇在佢黄店分上💪🏽一入去就叫我随便坐，然后就问我饮乜嘢汤红汤定白汤，呢啲对话十分港式🤭ok我拣咗红汤，因为我从来唔饮白汤，我个脑就喺度谂咁奇嘅我连食物都未拣佢就问我要乜嘢汤，但系一睇到餐枱上好简单嘅𠮶张 menu我就知道，其实佢得几样嘢拣；鸡扒猪扒同意粉。另外仲有比较贵啲嘅就系牛柳牛扒之类，呀！仲有羊架。我拣咗个纽西兰牛里脊配薯菜，佢走开之后我好好奇点解唔问我要几多成熟嘅。佢好快咁就上咗个红汤(罗宋汤)，严格离讲个汤系唔好味嘅，另外仲有个餐包旧式茶餐厅𠮶种餐包，我唔评论喇。然后过咗一阵间个牛里脊嚟到，当时我个心已经舒服咗少少因为当个汤唔好饮嘅时候，都会担心𠮶个肉好唔好食，但系个肉嚟到嘅时候睇落好似几q弹，切落去嘅时候都几淋，入口其实系软熟顺滑
一入去就叫我随便坐，然后就问我饮乜嘢汤红汤定白汤，呢啲对话十分港式🤭ok我拣咗红汤，因为我从来唔饮白汤，我个脑就喺度谂咁奇嘅我连食物都未拣佢就问我要乜嘢汤，但系一睇到餐枱上好简单嘅𠮶张 menu我就知道，其实佢得几样嘢拣；鸡扒猪扒同意粉。另外仲有比较贵啲嘅就系牛柳牛扒之类，呀！仲有羊架。我拣咗个纽西兰牛里脊配薯菜，佢走开之后我好好奇点解唔问我要几多成熟嘅。
佢好快咁就上咗个红汤(罗宋汤)，严格离讲个汤系唔好味嘅，另外仲有个餐包旧式茶餐厅𠮶种餐包，我唔评论喇。然后过咗一阵间个牛里脊嚟到，当时我个心已经舒服咗少少因为当个汤唔好饮嘅时候，都会担心𠮶个肉好唔好食，但系个肉嚟到嘅时候睇落好似几q弹，切落去嘅时候都几淋，入口其实系软熟顺滑嘅，但系当我食真啲个味道～！发现佢根本就系冇味😁
嗯…… 佢系明显有落梳打粉嗱过啲肉，所以好淋好滑，但系佢畀「金凤」胜一筹， 「金凤」啲牛扒有好重嘅(梳打粉/松肉粉) 味道，但系牛屋啲肉冇味，冇味到连(梳打粉/松肉粉)嘅味都冇所以食得舒服啲，点下汁就过咗啦🤭
出奇地我又食得几开心㖞，因为我见到佢真系有熟客嚟食㗎，见到几个上咗年纪嘅夫妇入嚟，同侍应有讲有笑好熟落咁，佢哋互动嘅对话；叫嘢食嘅纯熟程度；完全系食惯食熟嘅客人，街坊街里嘅感觉好温馨。
呀～系呀！仲有我叫咗杯咖啡，完完全全系茶餐厅𠮶种咖啡🤣🤣🤣
仲有～仲有～好彩我系自己去食咋，如果我带朋友去食一定畀朋友X到反艇🤣🤣🤣
张贴