影片
更多
2009-02-16
1 浏览
寻日去o左尖沙咀呢间日本料理店食放题, 都ok 呀, 服务唔错, o甘有时有侍应生唔理你都情有可原, 毕竟见佢地忙到晕, 你都唔好意思......... 女经理就好客气又有礼貌, 唔错, 加印象分!食尾段, 未够钟都可以入去坐低, 店未爆, 坐剩bar 枱, 其他都满, 连vip room 都满download 张coupon 送清酒一枝, 问过系松竹海清酒, 不难入口, 但无菊正宗o甘醇同甘香因为我一家三个人, 坐在卡位, 都几阔落坐低已经送上三文鱼头汤, 有d 腥啦, 唔算好味好 开始叫野食先来刺身, 甜虾好正, 带子够新鲜, 三文鱼好肥美, 入口即溶, 最好味系剑鱼腩削身, 食落口无渣, 又唔肥, 带甘香同甜甜地, 我地食唔停, 食完又叫, 食完又叫, 先后叫o左廿几只甜虾, 10只带子, 10个剑鱼腩, 因为我个仔最钟意食玉子, 唔知叫o左几多轮, 估计起码超过20件, 蛋够厚, 够软, 虽然无虎皮纹, 不过唔"鞋"口, 食完一轮又再叫枝豆: 味浓, 送清酒都几好烤羊扒: 有膻味, 颇"un"大虾天妇罗: 正, 炸完无油, 虾又够新鲜杂果沙律: 多西瓜肉, 够清新酥炸鸡软骨:
寻日去o左尖沙咀呢间日本料理店食放题, 都ok 呀, 服务唔错, o甘有时有侍应生唔理你都情有可原, 毕竟见佢地忙到晕, 你都唔好意思......... 女经理就好客气又有礼貌, 唔错, 加印象分!
食尾段, 未够钟都可以入去坐低, 店未爆, 坐剩bar 枱, 其他都满, 连vip room 都满
download 张coupon 送清酒一枝, 问过系松竹海清酒, 不难入口, 但无菊正宗o甘醇同甘香
因为我一家三个人, 坐在卡位, 都几阔落
坐低已经送上三文鱼头汤, 有d 腥啦, 唔算好味
好 开始叫野食
先来刺身, 甜虾好正, 带子够新鲜, 三文鱼好肥美, 入口即溶, 最好味系剑鱼腩削身, 食落口无渣, 又唔肥, 带甘香同甜甜地, 我地食唔停, 食完又叫, 食完又叫, 先后叫o左廿几只甜虾, 10只带子, 10个剑鱼腩,
因为我个仔最钟意食玉子, 唔知叫o左几多轮, 估计起码超过20件, 蛋够厚, 够软, 虽然无虎皮纹, 不过唔"鞋"口, 食完一轮又再叫
枝豆: 味浓, 送清酒都几好
烤羊扒: 有膻味, 颇"un"
大虾天妇罗: 正, 炸完无油, 虾又够新鲜
杂果沙律: 多西瓜肉, 够清新
酥炸鸡软骨: 颇多油, 唔算好, 不过味道唔错
迷你鳗鱼饭: 唔算迷你o罗, 用手捧住都捧唔晒, 食完已经好饱
炸虾寿司, 软壳蟹寿司: 普通, 揾唔到主角去o左边
蒜茸牛柳粒: 份量唔算多, 单上写2-3人用, 不过睇上o黎只够一人用, 但味道好, 如果将牛柳粒再烤脆皮一点会更好
牛油粟米: 好鬼甜, 份量又多, 无连匙羹, 靠筷子好难夹
炸饺子: 不过不失啦
粥粉面: 好可惜无叫到, 因为食唔晒, 眼见人地叫蟹粥好鬼香, 直情流口水
焗广岛蚝: 蚝细只o左d, 味道唔错
综合来讲, 中上之选, 食物ok, 服务ok, 装修都ok, 卫生环境算几好, 交通几方便
张贴