漁舍酸菜魚 (已結業)

新开既商场北角汇真系愈开愈多餐厅，真系要慢慢试哂佢。行下行下，见到竟然新开左间酸菜鱼；酸辣开胃最岩春天食。环境餐厅环境舒服，全部都系卡位，有梳化好舒服。楼底好高配上设计感十足既吊灯，十分摩登。食物顾明思义，渔舍一定是食鱼了吧？不过除左酸菜鱼，都仲可以拣其他汤底配角，同埋小食。我地一行2人， 叫左：椰香脆皮BB鸽x 2一人一只，好爽！椰香迫人，一上台已经闻到香喷喷炸至金黄香脆，唔会太干，肉质嫩滑啖啖椰香，好解辣。金牌酸菜鱼配薯粉汤底清，唔会太重口味，衬托番鱼肉鲜味。幼身薯粉好清爽，唔会好heavy。鱼肉好滑，无骨。配上酸微辣的汤头十分开胃呢。麻辣水煮鱼配淮山面加配猪红及猪皮淮山面好入味，配料猪红及猪皮浸入满满水煮辣油，又辣又麻，好过瘾。不过我自己就中意食清点，所以prefer金牌酸菜鱼多d。 雪燕黑糖冰粉只系$28但就可以食到雪燕，口感真系好似燕窝。黑糖配埋凉爽冰粉，十分解辣。不得不提，两个鱼都有个火坐住，鱼肉唔会凉左变腥；同埋乳鸽跟埋手套上，仲要系厚身手套，绝对唔会漏油，餐厅安排真系好贴心。