木子居酒屋

营业中

休息中

是日不宜开火🤭带咗我家老爷出街晚饭食日式居酒屋，餐厅晚市做紧八五折！👍🏻餐厅充满日式风情，楼底非常之高、座位阔落坐得好舒服，灯光柔和感觉浪漫😂仲设有一台榻榻米座位几特别。昆布盐渍青瓜🥒先吃个前菜开一开胃，清新嘅青瓜 有啲芝麻香。鸡胸软骨串一只鸡先得一嚿鸡胸软骨，非常脆口，有阵酱烧焦香味。阿波尾鸡翼阿波尾鸡系日本嘢，超市见过 我都系第一次食，肉质有弹性肉味偏淡，都几大只几好肉。咖喱岩虾炸得好香脆，外面洒上咖喱粉、盐，阵阵咖喱香味 咸咸地，虾肉都爽口弹牙，系唔错嘅小食。牛油果松叶蟹肉脆壳卷中间包住炸软壳蟹，上面放咗牛油果、蟹肉和炸鱼仔，口感好丰富，造型都好靓仔！福冈冻荞麦面🍜我最喜欢呢个冻荞麦面，顺滑爽口又健康，个面汁好好味，仲有紫菜碎木鱼花和温泉蛋。