影片
更多
2020-02-04
173 浏览
好耐都冇去过长洲，今日特登入去长洲做一次宾客，扫下街头小食黎庆祝初七人日生日。令人意外既系当日都有唔少人入去长洲做宾客，人数都仲要几多添。言归正传，向来钟意食挞既我，出发去长洲之前已经做好资料搜集，正所谓机会系留比有准备既人。一到步我就去到康兰饼店，去试下佢地既蛋挞。饼店既格局比较旧式，地方都唔大，佢地将各种面包展示系门口既面包柜入面，虽然地方细，但就令人一目了然，焗面包同西饼既香味，加上各种包饼精美既外型，真系一场视觉同味觉既盛宴，吸引住每一位经过既宾客。 一去到就正好有新鲜出炉既蛋挞添，饼店有曲奇皮同酥皮蛋挞两种，有睇开我食评就知我比较钟意曲奇皮，因为酥皮好容易食到啲皮散晒，跌到一地都系，所以今次我都系拣曲奇皮。饼店既蛋挞同一般饼店既蛋挞唔同，啲度既蛋挞外型小巧玲珑，一手就能掌控得晒，未食已经令人感叹，虽然我地不能够掌控自己既命运，但原来我地可以一手掌握成件挞！正当我想试下一啖食晒成件挞既时候，店入面既阿姨即刻提醒我唔好，我当堂吓一跳，原来佢话啱啱出炉好热。 蛋挞细左，挞皮同蛋浆既比例反而刚刚好，每一啖都能够食到挞皮同蛋浆，加上蛋浆甜度适中，食完唔会令人觉得口渴或肥腻。当然有听
言归正传，向来钟意食挞既我，出发去长洲之前已经做好资料搜集，正所谓机会系留比有准备既人。一到步我就去到康兰饼店，去试下佢地既蛋挞。饼店既格局比较旧式，地方都唔大，佢地将各种面包展示系门口既面包柜入面，虽然地方细，但就令人一目了然，焗面包同西饼既香味，加上各种包饼精美既外型，真系一场视觉同味觉既盛宴，吸引住每一位经过既宾客。
一去到就正好有新鲜出炉既蛋挞添，饼店有曲奇皮同酥皮蛋挞两种，有睇开我食评就知我比较钟意曲奇皮，因为酥皮好容易食到啲皮散晒，跌到一地都系，所以今次我都系拣曲奇皮。饼店既蛋挞同一般饼店既蛋挞唔同，啲度既蛋挞外型小巧玲珑，一手就能掌控得晒，未食已经令人感叹，虽然我地不能够掌控自己既命运，但原来我地可以一手掌握成件挞！正当我想试下一啖食晒成件挞既时候，店入面既阿姨即刻提醒我唔好，我当堂吓一跳，原来佢话啱啱出炉好热。
迷你蛋挞
$10
35 浏览
0 赞好
0 留言
蛋挞细左，挞皮同蛋浆既比例反而刚刚好，每一啖都能够食到挞皮同蛋浆，加上蛋浆甜度适中，食完唔会令人觉得口渴或肥腻。当然有听阿姨既谏言冇一口食晒成件挞，件挞啱啱好可以分两、三啖就食晒，食完啲饼碎仲唔会成手都系添，既然系咁，我觉得可以试埋酥皮添，可惜既系当我食完其他小食，想返黎再买蛋挞既时候，饼店既蛋挞已经卖晒啦，真系令人感慨机会唔单止留比有准备既人之余，仲会留比有机会既人。
不过正向啲谂，证明康兰饼店既蛋挞好受欢迎，有机会入长洲做宾客的话，都推荐各位去品尝一下。食啲件迷你蛋挞，令我发现有时候唔一定要追求大，反而小巧既野，更容易掌握之余，亦都可以好好味，可以更令人享受呢！
张贴
