千之味刺身壽司專門店 (雅都花園)

营业中

休息中

食寿司要食新鲜食材，米饭要粒粒分明有口感，性比价高的千之味食得过！食过两次都做到个水准我先推荐比大家！剑鱼腩寿司及油甘鱼寿司：鱼鲜唔腥，油脂出显光泽，入口即溶鱼肉出鲜味，我都无加酱油Wasabi就咁食，只可咁讲，食过就知咩叫回味！特大赤虾寿司：见到特大，叫！真系特大！食落虾肉弹牙超得，仲要大大虾肉放入口，满足感出晒来！要做到咁，食材选取好重要！吉烈炸虾卷及软壳蟹手卷：叫比小朋友食就是找点熟食，炸物必是小朋友至爱之一！炸虾同软壳蟹都仲暖，食落唔油脆口，加上蟹子的咸水味提鲜，不用落酱油小朋友都食光！迷你鱼生饭餐：迷你三文鱼粒粒海胆丼配寿司拼盘5件、刺身、沙律及螺肉，一打开都‘哗’左一声，因为份量足，寿司有三文鱼、白身鱼、北寄贝、吞拿鱼沙律同芥辣八爪鱼，要赞的是芥辣八爪鱼，芥辣味足，要入口！刺身就有三文鱼、北寄贝、甜虾同带子，带子都大大粒同厚切，新鲜就最要！最后就是个迷你三文鱼粒粒海胆丼，粒粒厚切三文鱼，海胆鲜，配饭食就带点海水盐味！整体评：开到第8间分店，幸运选址屯门，多个食寿司的选择，而且食都不太落酱汁提鲜，要做到咁，一定要选材得宜！