港麵子 (已結業)

自己向来钟意食面，见到Facebook介绍呢间新开面店，好sharp好吸引，去开德福就即刻拉朋友一试。Lunch有套餐，面加一款小食最平$58，最贵就$88。我地一行四人，今次只试左两款面，当中一至认同担担面同番茄牛腩面最正😋！担担面个汤好香浓，但系冇杰挞挞，个面质都好弹牙，$58可以话系超值！番茄牛腩面个汤又系好浓郁，牛腩有d肥但入口即溶，几滋味！仲要一赞超级够热，可能系用石锅嘅关系，加分👍🏻！跟套餐嘅小食份量细左d，味道ok。其中皮蛋豆腐用黄金皮蛋，系落本嘅。见餐牌仲有好多捞面，同埋好多人叫喇沙，下次会想试呢两个。其实佢地策略都几成功，餐牌个个面都几中香港人口味，叫港面子都几啱。