Tipping Point Brewing Co. (已結業)

一入门口就见到个好抢眼的酒吧区，如果唔系食完晏要返工，一定会饮返杯先。午餐有十个选择，包罗意粉、饭、牛扒同汉堡。牛扒餐选用西冷扒配蘑菇汁，块牛有成只手掌咁大，唔系薄衣衣，店员放佢上枱时，已经传出好香的煎烤味。摊咗一阵后开动，切开五成熟扒身，见入面仲有粉红色，好吸引。食落软熟，肉汁丰富。配菜炸粗薯够晒香脆，可惜落盐重手咗啲啲，沾蘑菇汁食好味过点茄汁。手撕猪肉汉堡包系将猪肩肉撕碎慢慢烟熏，肉量多，食落有好强的香料味。最惊喜系个 Brioche Bun，香甜软熟，吸收晒猪肉汁的精华。讲起面包，跟餐沙律𠮶块小多士都咪走宝，喺将香草包厚切变厚多士，攞上手仲有微暖，咬一啖即 feel 到外脆内软，仲冇加牛油。沙律菜就正正常常，叶身冇变黑亦冇发黄。　呢餐以咖啡代酒，佢香浓得嚟酸度适中易入口，赶走晒肉食留底的重口味。开开心咁食餐好，叉足电就返去开工 lu。舖头系旧中区警署建群组对出，闲日午巿唔多人，两个人嚟到变包场绝对有可能。