中村藤吉 (已結業)

今日星期五衬放假一早9:50去THE ONE排队试中村，去到二楼LIFT大堂发现已经有人排队，心谂已经排到落嚟，今次都唔知食唔食到？不过问过排队D人先知10:00前18楼个LIFT门系唔会开，所以大家到都喺二楼大座等，踏正10:00即刻上去排队，今日小弟就排到第四位。等到11:00点终于等到LA，同朋友总共点咗3样甜品：蕨饼由一层甜甜地的绿茶粉包住，口感QQ唔痴牙，配上一红一绿甜酱汁，最重要系限量5份，试问有咩人可以抗拒到限量呢两个字，真系要一早嚟排先食得到。抺茶啫喱冻冻地好清新，配埋D雪糕真系好啱夏天食，最重要系小圆子新鲜唔会好粉。抺茶芭菲系我三样食品中最爱，佢入面有Cream、绿茶蛋糕、绿茶雪糕、小圆子、红豆、甘栗、绿茶啫喱，每样嘢都夹得几好，卖相又靓，最重要系咩都可以食少少。总结今日嘅等待系值得，虽然份量都几足，但两个人最后都食得哂3样甜品。不过建议可以试下个冷面，因为我都见到旁边几多人点呢样嘢，而且食D咸嘢会令你食甜品食得更美味。