影片
更多
2017-09-02
914 浏览
星期五晚，五人饭聚。朋友X话呢间几得意想试。我同朋友H早左15分钟到，一楼晚饭未有台，侍应哥哥安排我地先坐地下𠮶层坐二人台饮住野先，但其实时间差唔多，我地唔想叫完或者饮饮下要搬上去，而且地下𠮶层几嘈，如果饮野沟女系几好嘅，我个人老饼唔钟意啫。睇紧menu嘅时候，我地陆续齐人，另外三个朋友XYZ唯有企喺我地张台度，好碍眼。喺咁嘅情况下，无耐侍应哥哥话楼上有位。上层怀旧茶记 x 大排挡格局，再睇睇menu，全部菜名都玩食字，明显系一半食gimmick 一半食野。讲返食物方面，去Lee Lo Mei 梗系食佢个卤味啦。侍应哥哥上呢碟果阵，好努力介绍，又西班牙黑毛猪猪耳，又土耳其火鸡肾，又唔记得边度嘅墨鱼，总之好劲喇！ 金鸡藏鲍，鸡翼里面包住只鲍鱼仔，仲夹杂少少糯米饭，sell 精致贵气。倒泻罗蟹，炸蟹肉球本身无特别，上面啲脆脆同樱花虾捞下面啲薯蓉几好味。黑面鱿鱼，黑色嘅唔系墨汁系木炭煮茄子，唔识形容个味道，唔难食，但唔系出色。8鲜过海 · 点红点绿即海鲜煲仔饭，但调味就比较西式，玩 fusion。啲海鲜好足料，𩠌多过饭，我谂饭偏少系想造到饭焦效果。盐焗有米鸡因为需时整，最后上台，话明有米，
我同朋友H早左15分钟到，一楼晚饭未有台，侍应哥哥安排我地先坐地下𠮶层坐二人台饮住野先，但其实时间差唔多，我地唔想叫完或者饮饮下要搬上去，而且地下𠮶层几嘈，如果饮野沟女系几好嘅，我个人老饼唔钟意啫。睇紧menu嘅时候，我地陆续齐人，另外三个朋友XYZ唯有企喺我地张台度，好碍眼。喺咁嘅情况下，无耐侍应哥哥话楼上有位。
上层怀旧茶记 x 大排挡格局，再睇睇menu，全部菜名都玩食字，明显系一半食gimmick 一半食野。
讲返食物方面，去Lee Lo Mei 梗系食佢个卤味啦。侍应哥哥上呢碟果阵，好努力介绍，又西班牙黑毛猪猪耳，又土耳其火鸡肾，又唔记得边度嘅墨鱼，总之好劲喇！
金鸡藏鲍，鸡翼里面包住只鲍鱼仔，仲夹杂少少糯米饭，sell 精致贵气。
倒泻罗蟹，炸蟹肉球本身无特别，上面啲脆脆同樱花虾捞下面啲薯蓉几好味。
黑面鱿鱼，黑色嘅唔系墨汁系木炭煮茄子，唔识形容个味道，唔难食，但唔系出色。
8鲜过海 · 点红点绿即海鲜煲仔饭，但调味就比较西式，玩 fusion。啲海鲜好足料，𩠌多过饭，我谂饭偏少系想造到饭焦效果。
盐焗有米鸡因为需时整，最后上台，话明有米，当然只鸡入面有饭，仲有一只鲍鱼增加有米感。啲饭好够味，可能因为要只鸡够味。
样样都有特色嘅，但我地个个都系饿底，而呢度碟碟都几精致，食完虽则唔肚饿，都唔可以叫饱。我地无再叫，反而转场 round 2！
张贴
