新麻蒲 BBQ (形點) (已結業)

明明订左晚上9点，去到服务员俾张飞我地，叫我地等。明明订左位，点解仲要俾飞，服务员答：「个客食完够钟未走，我都无办法。」咁我再问：「咁要等到几时？」服务员：「我都唔知，个客食完唔肯走，我都无办法，如果系你系度坐，我都赶你唔走。」 呢d 咩服务态度，自己搅唔掂个客，将个问题抛俾出面等紧个客。跟住服务员自己都觉得讲唔通就话：「你订位𠮶阵，我有同你讲嚟到要等。」小姐呀「你点会有讲，帮我留位𠮶个系男服务员嚟架，佢无讲。」，嘈左15分钟，佢入面枱客都未走，最后当然无再等。明明系韩国店服务几好，我觉得进驻香港嘅韩国烧肉店佢系最好食，但未食都一肚气，韩国总公司应该要监管下