沙田頭火鍋 (已結業)

香港人四季都打边炉, 我都唔例外, 近来发现一间新开既港式火锅,睇佢招牌同装潢都有种怀旧味, 原本冇抱好大期望, 但食完出黎真系另眼相看。芫茜皮蛋+川味麻辣鸳鸯锅一清一辣, 港式火锅既必点组合。汤一滚, 麻辣味劲香! 另外芫茜皮蛋都足料味浓。最令我惊喜既一定系依度既手工野, 唔系得个名。 自家手打丸拼盘鲮鱼丸, 墨鱼丸, 虾丸同埋手打牛丸, 一咬落去就知真材实料, 好弹牙好实在, 而且食材本身味道加倍突出, 系真正手打先做到!全部都好好食。珊瑚花枝丸见佢D丸咁出色, 再叫左个好似好特别既珊瑚花枝丸, 除左手打墨鱼外, 仲加入左珊瑚蚌, 入口估唔到除左墨鱼香之外, 珊瑚蚌既鲜味可以咁突出, 而且佢带有爽脆口感, 味道同口感都好好, 出面食唔到!四宝饺最中意系黄金蛋包饺, 入面全部都系鲜虾,口感同虾鲜味都好出! 另外仲有韮菜饺, 鲜虾云吞, 凤城水饺全部大SIZE, 皮薄得黎唔易烂, 馅料饱满, 劲高质。三秒脆响铃打边炉点可以冇响铃! 依度既响铃系新鲜炸, 松脆口感系即炸先做到。而且豆味亦好香, 浸三秒落汤, perfect!!牛小排一睇都知靓牛, 雪花又多又均匀, 有厚度, 入口牛味极香