冰瀛茶座 (已結業)

今朝去荃湾搞啲嘢，一谂起晏昼想食乜嘢，知道我朋友开咗呢间餐厅，于是乎我就约埋其他朋友一齐去试，试完之后，我觉得系值得推荐👍😮去到呢间餐厅之后，选择都几多下，价钱都较亲民，据了解呢间丼饭同炒饭卖相都唔差，加钱有冻饮，同时仲有一碗冇味精嘅例汤，感觉上真系正，依家事不宜迟去介绍👍首先，我就叫咗杯冻咖啡，跟住附送一碗冇味精嘅例汤跟住我同其他朋友叫咗唔同嘅丼饭，而我就叫咗一个炒饭，而家我就逐一介绍：其中一个朋友叫咗滑蛋烧牛肉丼饭，仲有一杯冻嘅柠檬茶，呢一碗系真系完全嘅照烧牛肉，滑蛋都煮得唔差，食落去系真系有口感😮而另外一个朋友就叫咗吉列猪扒滑蛋丼饭，要留意吉列猪扒炸得好脆，仲有个沙律酱系另上，个卖相都唔差㗎😊跟住我就叫咗一碗鲍鱼炒饭，呢个系一个特色，就系有只鲍鱼放喺炒饭度（上面），既可以增加卖相，亦都可以增加味觉感😁总括而言，不论丼饭、炒饭或例汤，个卖相系相当吸引，食完之后都唔系好咸，可以话系真心推荐👍