牧羊少年咖啡館 (白楊街)

营业中

休息中

今日同男友倾旅行大计，上网揾到呢间旅游主题嘅餐厅，啱晒! 一入餐厅就见到一张世界地图在墙上，而餐厅墙壁、天花都挂咗好多即影即有相、明信片、旅行主题嘅摆设，感觉似走入一个旅行者嘅家，客人可以从布置细味屋主嘅经历。我地叫咗前菜、主食、小食、甜品各一：羽衣甘蓝沙律配火腿+胡麻酱 - 好大碟菜! 佢地用嘅系曲叶羽衣，所以视觉效果好澎湃。由于羽衣甘蓝比一般菜味浓，所以咸香嘅火腿同埋一齐食，可以互相中和，非常搭配。欣赏佢地加咗d松子，是小处见细心。龙蒿大虾沙律意粉 - 我第一次食龙蒿呢款香草，原来有微微香辣味，但又更能衬托蕃茄酱的味道。意份分量唔算大，但大虾都有6-7粒。香辣猪颈肉配墨西哥饼+牛油果酱 - 话系小食，但份量唔算系小食，猪颈肉加d牛油果酱，连同青瓜片夹在墨西哥饼一齐食，可以减低肉嘅油腻感，good!纽约芝士蛋糕 - 摆位靓靓，有蓝莓、薄荷叶同埋小小cream伴碟。芝士蛋糕连同少少cream一齐食，入口滑滑，又几好味wor。总括：价钱合理，环境舒适。三五知己聚脚的好选择。