德苑 (已結業)

星期六下午跟男友附近行完街,经过吉之岛顺便揾野食,见德苑无咩人,又想食清淡啲就入去试下。 一试以后唔想再帮衬。 入到去睇menu我觉得价钱系偏贵,一碗艇仔粥48蚊左右, 男友话想试下可能好味呢,就叫左个套餐有艇仔粥,萝白糕,油炸鬼。 而我就叫左个净云吞。 食完我地两个都觉得以咁嘅价钱,啲食物质素真系唔得, 出面啲细间传统粥店分分钟仲好食好多。 油炸鬼啲油多到系咁流, 食落甜味好重,口感一啲都唔脆,似食紧塑胶咁。 萝白糕一夹就劲碎,而且完全无萝白味, 又唔香, 我觉得好难食!!!  艇仔粥我觉得系俾足材料嘅,不过味道唔得,粥又唔棉, 猪皮上有好多黑毛,睇见无咩胃口。唯独系净云吞系比较一般正常。环境方面, 我地系坐近 Cashier 个边位置, 啲冷气好唔够,啲野食未黎都觉得热, 食嘅时候食到出哂汗, 而且见到有一只乌英成日飞黎飞去。 所以今日一试,对呢间评价整体麻麻。