鳴橋燒肉料理 (已結業)

近日发现原来旺角砵兰街入面有一间小小嘅日本居酒屋，今日就决定嚟试吓。环境真系唔算好大，座位亦都唔算多，所以唔会太多人太嘈。呢度主打系烧肉放题，但系呢度都有午市套餐。无论系放题定系套餐，价钱都好抵食。我哋今次就当然系试吓放题先，老实讲食物选择比出面一般连锁大型放题的确唔算太多，但系一般放题有嘅食物种类，例如刺身，炸物，熟食，肉类，海鲜，甜品，饮品都应有尽有。刺身同海鲜食落都新鲜。肉类唔会有雪藏味，同时都腌得够味。个人最喜欢芝士豚拖罗，其实系五花腩上面加咗芝士粉。将五花腩烧到油份迫哂出黎之后，加埋芝士味又香又脆。好钟意呢度嘅烧炉上面会加张牛油纸，唔怕啲肉痴底产生好多焦，仲感觉卫生好多。食完烧肉最怕成身油烟味，但系呢度嘅抽风系统几好，食完完全冇味，可以继续行街街。